Վրաերթ «Արմենիա» հեռուստաընկերության մոտակայքում. 31–ամյա աղջիկը վրաերթի է ենթարկել 62–ամյա կնոջ

ԵՐԵՎԱՆ, 1 փետրվարի./Նովոստի–Արմենիա/. Քիչ առաջ վրաերթ է տեղի ունեցել «Արմենիա» հեռուստաընկերության մոտակայքում։

Ինչպես հաղորդում է ՀՀ ԱԻՆ Փրկարար ծառայությունը, ժամը 11:01-ին 911 ահազանգման կենտրոն ահազանգ է ստացվել, որ Երևանի Եղվարդի խճուղի 1 հասցեում՝ Արմենիա հեռուստաընկերության մոտակայքում, տեղի է ունեցել վրաերթ. քաղաքացին գտնվում է ճանապարհի երթևեկելի հատվածում:

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:

Փրկարարներն Անահիտ Ն.-ին (ծնված 1958 թ.) մոտեցրել են շտապօգնության ավտոմեքենային. տուժածը հոսպիտալացվել է «Արմենիա» ԲԿ: