Ողբերգական դեպք Երևանում. երթուղայինի վարորդի ինքնազգացողությունը վատացել է, նա բախվել է արգելապատնեշին ու մահացել շտապօգնության մեքենայում

ԵՐԵՎԱՆ, 25 նոյեմբերի./Նովոստի–Արմենիա/. Նախօրեին՝ նոյեմբերի 24-ին, ողբերգական դեպք է տեղի ունեցել Երևանում:

Shamshyan.com–ի հաղորդմամբ, ժամը 18:40-ի սահմաններում թիվ 30 երթուղին սպասարկող «Գազել» մակնիշի ավտոմեքենայի վարորդը, Դավիթաշեն վարչական շրջանում, Եղվարդի խճուղուց դեպի Սանսա Ծռերի փողոց տանող ճանապարհին, դուրս է եկել երթևեկելի գոտուց և բախվել երկաթե արգելապատնեշին:

Վարորդը, ով կլիներ 50-55 տարեկան տղամարդ, հիվանդանոց տեղափոխվելու ճանապարհին, շտապօգնության մեքենայի մեջ մահացել է:

Կայքի հաղորդմամբ, ըստ նախնական տեղեկությունների, վարորդի ինքնազգացողությունը ավտոմեքենան վարելիս վատացել է, ինչն էլ դարձել է վթարի պատճառ: Դեպքի վայրում հավաքված նրա ընկերներն ասում էին, որ նա աշխատանքից վերադառնում էր տուն:–0–