Ողբերգական դեպք Վանաձորում. բեռնիչը կողաշրջվել է, 63–ամյա տղամարդը մահացել է

ԵՐԵՎԱՆ, 18 հոկտեմբերի./Նովոստի–Արմենիա/. Այսօր առավոտյան ողբերգական դեպք է տեղի ուենցել Վանաձորում, հաղորդում է ՀՀ ԱԻՆ Փրկարար ծառայությունը։

Ժամը 09։23-ին Լոռու մարզային ճգնաժամային կառավարման կենտրոն ահազանգ է ստացվել, որ Վանաձոր քաղաքի Գործարանային 15 հասցեի մոտակայքում բեռնիչը կողաշրջվել է. կա տուժած։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Փրկարարները բեռնիչից դուրս են բերել Ա․ Պ․-ի (ծնված 1958 թ․) դին։–0–