Ողբերգական ավտովթար՝ Երևանում․ 80–ամյա վարորդը տեղում մահացել է (ՖՈՏՈ)

ԵՐԵՎԱՆ, 5 դեկտեմբերի․/Նովոստի–Արմենիա/․ Այսօր՝ դեկտեմբերի 5-ին, ողբերգական ավտովթար է տեղի ունցել Երևանում:

Shamshyan.com–ի հաղորդմամբ, ժամը 10:30-ի սահմաններում Նուբարաշեն-Մասիս ավտոճանապարհին բախվել են Երևանի բնակիչներ 40-ամյա Մ․Ս․–ի վարած «Mercedes» մակնիշի և 80-ամյա Վ․Ա․–ի վարած «ՎԱԶ 2107» մակնիշի ավտոմեքենաները:

Վթարի հետևանքով Վ. Ա․–ն տեղում մահացել է, 1 մարդ տեղափոխվել է «Էրեբունի» բժշկական կենտրոն:  

Վթարի փաստով քննչական բաժնում նախաձեռնվել է քրեական վարույթ:  

Քննիչի հանձնարարականով՝ ավտոմեքենաները տեղափոխվում են ՊԾ Երևան քաղաքի գնդի պահպանվող հատուկ տարածք:  

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։