ԵՐԵՎԱՆ, 21 փետրվարի./Նովոստի–Արմենիա/. Բրազիլիայում 6 ամսական աղջնակը կծել է լիցքավորվող հեռախոսի լարն ու էլեկտրահարվել է։
Загружается новость ... "Лево"
Այս մասին գրում է
lenta.ru–ն` հղում անելով Daily Mail–ին։
Միջադեպը տեղի է ունեցել երեքշաբթի` փետրվարի 18–ին, Բրազիլիայի Մատու Գրոսու նահանգում։ Մեծահասակները չեն նկատել, որ փոքրիկն արթնացել է։ Նա սկսել է խաղալ անկողնու մոտ դրված բջջային հեռախոսի հետ, որը միացված է եղել լիցքավորման։ Մի պահ աղջնակը լիցքավորման լարը դրել է բերանն ու էլեկտրահարվել է։
Էլեկտրահարումն այնքան ուժեղ է եղել, որ փոքրիկը կորցրել է գիտակցությունը, իսկ տանն անջատվել է ավտոմատ անջատիչը։
Загружается новость ...
"Право"
Փոքրիկին անգիտակից վիճակում տեղափոխել են հիվանդանոց։ Նա այրվածքներ է ստացել դեմքի ու ձեռքերի շրջանում։ Բժիշկները վախեցել են, որ երեխան կարող է շնչահեղձ լինել շնչուղիներում կուտակված թուքի պատճառով, որն առաջացել է էլեկտրահարման հետևանքով։ Հեղուկը հեռացրել են հատուկ սարքավորման միջոցով։
Նշվում է, որ երեխան շարունակում է մնալ հիվանդանոցում և կազդուրվում է։
Բժիշկ Խելենո Շտրոբել Ռոզան, ով առաջին բուժօգնությունն է ցուցաբերել երեխային, նշել է, որ փոքրիկը եղել է «ծանր վիճակում` սրտի բաբախի շատ ցածր հաճախականությամբ»։ Բժիշկը կոչ է արել ծնողներին զգոն լինել` նման միջադեպերից խուսափելու համար։–0–
