Տղամարդը հայհոյում և ոտքով հարվածում է «Հայփոստի» հղի աշխատակցուհուն. միջադեպ Երևանում (ՎԻԴԵՈ)
10:48
19 Հունվարի 2022
ԵՐԵՎԱՆ, 19 հունվարի./Նովոստի–Արմենիա/. Հունվարի 10-ին, ժամը 16-ի սահմաններում, մի տղամարդ մտել էր մայրաքաղաքի Երվանդ Քոչարի փողոցի «Հայփոստի» բաժանմունք և հայտնել, որ իր անունով արտասահմանից ուղարկված ծանրոցը ցանկանում է ստանալ, հաղորդում է ՀՀ ոստիկանությունը։
Загружается новость ... "Лево"
«Հայփոստի» աշխատակցուհին ստուգելուց հետո հայտնել էր, որ նրա անունով ծանրոց չկա, ինչից հետո տղամարդը, կոպիտ կերպով խախտելով հասարակական կարգը, տևական ժամանակ հնչեցրել էր հայհոյանքներ, հարվածներ հասցրել «Հայփոստի» հղի աշխատակցուհուն և կոտրել բաժանմունքի գույքը։
Ներկաներից մեկն ահազանգել էր ոստիկանություն։
Դեպքի վայրում օպերատիվ-քննչական խմբերը պարզեցին կատարվածի հանգամանքները։
Խուլիգանության հատկանիշներով հարուցվեց քրեական գործ։ Ոստիկանության Կենտրոնական բաժնի Մարաշի բաժանմունքի ծառայողները օպերատիվ կերպով ճշտեցին տղամարդու ինքնությունն ու ձեռնարկեցին որոնողական միջոցառումներ՝ նրան հայտնաբերելու ուղղությամբ։
«Հունվարի 14-ին Մարաշի ոստիկանները 39-ամյա տղամարդուն հայտնաբերեցին ու բերման ենթարկեցին։ Նա ներկայացվեց դեպքի նախաքննությունը վարող մարմնին, ձերբակալվեց, ապա կալանավորվեց», – նշվում է գերատեսչության հաղորդագրության մեջ։
Դեպքի հանգամանքները պարզվում են։ Նախաքննությունը շարունակվում է:–0–
