«Սուրբ Աստվածամայր» ԲԿ է ընդունվել 12 տարեկան երեխա` ձեռքի չորս մատներն անդամահատված վիճակում
12.11.2021,
17:22
«Սուրբ Աստվածամայր» ԲԿ է ընդունվել 12 տարեկան երեխա` ձեռքի չորս մատներն անդամահատված վիճակում
ԵՐԵՎԱՆ, 12 նոյեմբերի./Նովոստի–Արմենիա/. «Սուրբ Աստվածամայր» ԲԿ է ընդունվել 12 տարեկան երեխա՝ ձեռքի չորս մատների ամպուտացմամբ (անդամահատված), հայտնում է բժշկական կենտրոնի մամուլի քարտուղար Գևորգ Դերձյանը։
Դեպքը տեղի է ունեցել շան հետ խաղալիս: Կենդանին վզկապի փոխարեն կապված է եղել պողպատե թոկով (տռոս), որի մյուս ծայրը փաթաթված է եղել երեխայի մատներին, վազելու ժամանակ այն ձգվել է, ինչի հետևանքով տղայի չորս մատները կտրվել են:
Երեխան տասը ժամ վիրահատվել է, «Սուրբ Աստվածամայր» ԲԿ-ի պլաստիկ վիրաբույժները կատարել են ձեռքի մատների ռեպլանտացիա:
«Տանը կամ բակերում պահվող կենդանիների համար հորդորում ենք օգտագործել հատուկ նախատեսված վզկապներ, նման սարսափելի դեպքերից խուսափելու համար», – նշել է Դերձյանը:–0–
Պատճենել հղումը
