ԵՐԵՎԱՆ, 26 հուլիսի./Նովոստի–Արմենիա/. Քիչ առաջ խոշոր ու ողբերգական ավտովթար է տեղի ունեցել Գորիս-Ստեփանակերտ ավտոճանապարհին։
ՀՀ ԱԻՆ Փրկարար ծառայության հաղորդմամբ, հուլիսի 26-ին, ժամը 16:30-ին «911» ծառայությանը տեղեկություն է հաղորդվել, որ Գորիս-Ստեփանակերտ ավտոճանապարհի 77-րդ կմ-ին՝ Արցախի հանրապետության Շուշի քաղաքի մոտակայքում, տեղի է ունեցել ՃՏՊ:
«ԳԱԶ-3110» մակնիշի ավտոմեքենան (վարորդ՝ Ա.Հ., ծնված 1992 թ.) դուրս է եկել ճանապարհի երթևեկելի հատվածից և մոտ 80 մետր գլորվել ձորը:«Սյունիքի մարզի Տեղ գյուղի բնակիչները՝ վարորդը և ուղևորները՝ Ն.Գ.-ն (ծնված 1994 թ.), Ռ.Ա.-ն (ծնված 1982 թ.), Ս.Բ.-ն (ծնված 1961 թ.), Ա.Ա.-ն (ծնված 1958 թ.), տեղում մահացել են», – նշվում է գերատեսչության հաղորդագրության մեջ:
Դեպքի վայրում աշխատում է չորս մարտական հաշվարկ: Կտրվի լրացուցիչ տեղեկություն։
Հայկական ԶԼՄ–ների հաղորդմամբ, զոհվածները միևնույն ընտանիքի անդամներ են` հայրը, մայրը, 2 տղաներն ու հարսը։–0–