Շուրջ 1500 մարդ է տարհանվել «Մետրոնոմից» և «Ռոսիա մոլից», կինոլոգներն իրականացնում են տեղազննման աշխատանքներ (ՖՈՏՈ, ՎԻԴԵՈ)

ԵՐԵՎԱՆ, 8 ապրիլի./Նովոստի–Արմենիա/. Շուրջ 500 մարդ է տարհանվել «Մետրոնոմ» առևտրի կենտրոնից և մոտ 1000 մարդ «Ռոսիա մոլից»։



Հիշեցնենք, որ ավելի վաղ ահազանգեր են ստացվել այդ առևտրի կենտրոններում ռումբերի տեղադրման մասին։
Ինչպես հայտնում են ԱԻՆ–ից, «Մետրոնոմում» ռումբի տեղադրման մասին ահազանգը ստացվել է ժամը 14։13–ին, «Ռոսիա Մոլում»` ժամը 14։56–ին։



Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական, Բժշկական ապահովման վարչության, Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի կինոլոգիական և Հրդեհաշիջման և փրկարարական աշխատանքների կազմակերպման բաժնի հերթապահ խմբերը: Իրականացվում են տեղազննման աշխատանքներ:–0–