Շարժիչը քիչ էր մնում պայթեր. Տյումեն-Երևան չվերթի ուղևորը՝ միջադեպի մասին (ՎԻԴԵՈ)

ԵՐԵՎԱՆ, 25 դեկտեմբերի./Նովոստի-Արմենիա/. Utair ավիաընկերության օդանավում, որը պետք է Տյումենից չվերթ կատարեր դեպի Երևան, թռիչքու վրա օդ բարձրանալիս առաջացել են շարժիչի հետ կապված տեխնիկական խնդիրներ, ինչի պատճառով չվերթը հետաձգվել է 10 ժամով: Օդանավի ներսից արված կադրերում երևում է, որ օդանավի ձախ թևի տակ կրակի բռնկումներ են:

Ուղևորներից մեկը՝ Մեք Մկրտչյանը, gazeta.ru-ի հետ զրույցում նշել է, որ ավիաընկերությունից չեն բացատրել անսարքության պատճառները, սակայն խոստացել են տրամադրել ջուր և սնունդ:

«Խուճապ չկար, մարդկանց կեսը պարզապես չէր հասկանում՝ ինչ է տեղի ունենում... Բորտուղեկցորդները հանգստացրեցին, ասացին, որ որևէ սարսափելի բան չկա, և օդանավը հետ վերադարձավ, չվերթը սկզբից հետաձգվեց ժամը 12:30, ավելի ուշ՝ 17:00, խոստացան փոխել օդանավն ու անձնակազմը: Չպարզաբանեցին պատճառները, ասացին, որ, կանոնակարգի համաձայն, 2 ժամից կբերեն հյութ, 4 ժամ հետո՝ սնունդ», - ասել է նա:

Ինչպես հայտնել է Ուրալի տրանսպորտային դատախազությունը, չվերթը հետաձգվել է տեխնիկական անսարքության պատճառով, որի հավանական պատճառը շարժիչի պոմպաժն է:

Ըստ չվացուցակի, օդանավը պետք է օդ բարձրանար դեկտեմբերի 25-ին Մոսկվայի ժամանակով ժամը 5:20-ին: Չվերթին գրանցվել է 176 ուղևոր:-0-