Սարսափելի դեպք Կապանում, ամուսիններն ինքնահրկիզվել են. նրանք որոնվում էին որպես անհետ կորած (ՎԻԴԵՈ)

ԵՐԵՎԱՆ, 15 փետրվարի./Նովոստի-Արմենիա/. Փետրվարի 14-ին, ժամը 16.10-ին, ոստիկանության Կապանի բաժնում հաղորդում էր ստացվել, որ փետրվարի 11-ին, ժամը 11.00-ի սահմաններում, ամուսիններ 71-ամյա Արամայիս և 64-ամյա Էլմիրա Գրիգորյանները տնից դուրս են եկել և չեն վերադարձել, հաղորդում է ՀՀ ոստիկանությունը:

«Ձեռնարկված օպերատիվ-հետախուզական և որոնողական միջոցառումների արդյունքում փետրվարի 15-ին, ժամը 18.20-ին, Կապանի քրեական հետախույզները Կարմրաքար բնակավայրի «Կարմրաքարի» մշակույթի չգործող շենքում հայտնաբերել են ամուսինների ինքնահրկիզված դիակները», - նշվում է գերատեսչության հաղորդագրության մեջ:

Արտաքին զննությամբ դիակների վրա բռնության հետքեր չեն հայտնաբերվել: Նշանակվել են դատաբժշկական փորձաքննություններ: Հանգամանքները պարզվում են։ Կատարվում է նախաքննություն։-0-