Սահմռկեցուցիչ ավտովթար Տավուշում. 32-ամյա վարորդի մասնատված դին մեքենայից դուրս են բերել փրկարարները

ԵՐԵՎԱՆ, 7 փետրվարի./Նովոստի-Արմենիա/. Այսօր՝ փետրվարի 7-ին, ողբերգական ավտովթար է տեղի ունեցել Տավուշի մարզում։
Shamshyan.com-ի հաղորդմամբ, ժամը 01։10-ի սահմաններում «BMW» մակնիշի ավտոմեքենան Իջևան-Գանձաքար ավտոճանապարհի 3-րդ կմ հատվածում դուրս է եկել ճանապարհի երթևեկելի գոտուց և մոտ 30մ բախվել ճամփեզրի երկաթե արգելապատնեշներին:

Օպերատիվորեն ժամանած «Իջևան» բժշկական կենտրոն բժիշկների հերթապահ խումբն արձանագրել են նրա մահը։

Փաստի առթիվ Տավուշի մարզային քննչական վարչությունում հարուցվել է քրեական գործ, ՀՀ քր.օր-ի 242 հոդվածի 2-րդ մասի (ճանապարհատրանսպորտային պատահար, որն առաջացրել է մարդու մահ) հատկանիշներով։

Կայքի հաղորդմամբ, տեղում պարզվել է, որ վարորդը Իջևան քաղաքի բնակիչ 32-ամյա Ա. Ա.-ն է, նրա մասնատված դին ավտեմեքենայից դուրս են բերել փրկարարները։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:-0-