ԵՐԵՎԱՆ, 25 փետրվարի./Նովոստի–Արմենիա/. Վորոնեժի մոտակայքում փետրվարի 24–ին վաղ առավոտյան առեղծվածային հանգամանքներում երիտասարդ տղամարդ է սպանվել։
Ողբերգությունը տեղի է ունեցել, երբ 24–ամյա երիտասարդը դուրս էր գալիս տնից, գրում է
«Вести.Воронеж»–ը։
Անհայտ անձը կրակել է ավտոմեքենայից։ Ենթադրվում է, որ մարդասպանն օգտագործել է «Մակարով» տեսակի ատրճանակ։ Անհայտ անձն անմիջապես հեռացել է։ Ստացված վնասվածքներից երիտասարդը տեղում մահացել է։
Սպանության գործը քննում են ուժայինները։ Երիտասարդը հայ ձեռներեցի որդի էր։ Ընտանիքը երկար ժամանակ ապրում է Վորոնեժի մոտակայքում։ Տան մոտ կա սրճարան, որը պատկանում է ընտանիքին։
Ընտանիքի մտերիմների վարկածով, ողբերգությունը կապված է գործարարի բիզնեսի հետ։–0–