ՌԴ Ամուրի մարզում գետի վարարման հետևանքով ՀՀ քաղաքացիներ են անհետ կորել

ԵՐԵՎԱՆ, 27 հուլիսի./Նովոստի–Արմենիա/. ՌԴ Ամուրի մարզի Իլիկան գետի վարարման հետևանքով ՀՀ քաղաքացիներ են անհետ կորել։

Կապ է հաստատվել ՌԴ ԱԻՆ Ճգնաժամային կառավարման կենտրոնի հետ և պարզվել է, որ ս.թ. հուլիսի 22-ին Ամուրի մարզի Զեյսկի շրջանի Իլիկան գետը վարարել է, և 4 քաղաքացի (1 ՌԴ և 3 ՀՀ քաղաքացիներ) հայտնվել են գետում. 1 ՌԴ և 1 ՀՀ քաղաքացի դուրս են եկել գետից, իսկ մյուս 2-ը համարվում են անհետ կորած:

ՌԴ ԱԻՆ փրկարարները իրականացնում են որոնողական աշխատանքներ վերջիններիս գտնելու ուղղությամբ: Կտրվի լրացուցիչ տեղեկություն:–0–