Օձերն ակտիվանում են. Վայոց Ձորում օձը խայթել է 47–ամյա կնոջ

ԵՐԵՎԱՆ, 2 մայիսի./Նովոստի–Արմենիա/. Մայիսի 1-ին, ժամը 10:36-ին Ճգնաժամային կառավարման ազգային կենտրոն ահազանգ է ստացվել, որ Վայոց Ձորի մարզի Ելփին գյուղի հանդամասերից մեկում անհայտ տեսակի օձը խայթել է տեղի բնակիչներից մեկին, հաղորդում է ՀՀ ԱԻՆ Փրկարար ծառայությունը:

Պարզվել է, որ դեպքը տեղի է ունեցել «Վարդանես» կոչվող տարածքում:

Փրկարարները Գայանե Ե.-ին (ծնված 1973 թ.) մոտեցրել են շտապօգնության ավտոմեքենային, ով հոսպիտալացվել է Եղեգնաձորի ԲԿ: Բժիշկները տուժածի առողջական վիճակը գնահատել են միջին ծանրության:–0–