Մոսկվայում Գրադսկու այրուց հափշտակել են 100 մլն ռուբլի

ԵՐԵՎԱՆ, 17 հունվարի./Նովոստի–Արմենիա/. Ավազակային հարձակման ընթացքում անհայտ անձինք հայտնի երգահան Ալեքսանդր Գրադսկու այրուց` Մարինա Կոտաշենկոյից գողացելեն մոտ 100 մլն ռուբլի։ Այս մասին նախօրեին ՏԱՍՍ–ին հայտնել է իրավապահ մարմինների աղբյուրը։

«Կիրակի երեկոյան Մերձմոսկվայում ավազակային հարձակման է ենթարկվել Մարինա Կոտաշենկոն, ով Ալեքսանդր Գրադսկու այրին է։ Անհայտ անձինք հափշտակել են մոտ 100 մլն ռուբլի», – ասել է գործակալության զրուցակիցն` ավելացնելով, որ միջադեպի հանգամանքները պարզվում են։ Տուժողը հայց է ներկայացրել ոստիկանություն։

Ավելի ուշ իրավապահ մարմինների աղբյուրը տեղեկացրել է, որ երեք անհայտ անձինք բեմադրել են ավտովթար Մարինա Կոտաշենկոյի ավտոմեքենայի մասնակցությամբ, հետո նստել են նրա մեքենան և զենքի սպառնալիքով ստիպել են վերադառնալ տուն, որտեղից հափշտակել են գումարը, ինչից հետո հեռացել են։–0–