Մերձմոսկվայում ՋԷԿ է այրվում. կան տուժածներ

ԵՐԵՎԱՆ, 11 հուլիսի./Նովոստի–Արմենիա/. Տասնմեկ մարդ այրվածքներ է ստացել Մերձմոսկվայում գտնվող «Սևերնայա» ՋԷԿ–ում բռնկված հրդեհի հետևանքով, հաղորդում է ՏԱՍՍ–ը` հղում անելով Աղետների բժշկության կենտրոնին։

«Տուժել է տասնմեկ մարդ, նրանք բոլորը ստացել են առաջին և երկրորդ աստիճանի այրվածքներ։ Հիմա նրանք ստանում են բուժօգնություն», – նշել է գործակալության զրուցակիցը։

Ավելի վաղ Առողջապահության նախարարությունը հայտնում էր վեց տուժածների մասին։

Մերձմոսկվայում գտնվող Միտիշչի քաղաքում այսօր հրդեհվել է ՋԷԿ–27–ի տարածքում գտնվող բարձրավոլտ ճնշման կայանը։ Հրդեհին տրվել է երրորդ` ամենաբարձր աստիճանը։ Նախնական տվյալներով, հրդեհի պատճառը կարող է լինել պայթյունը, միջադեպի վայրում նկատվում են 50 մետր բարձրության ծխի քուլաներ։ ԱԻՆ–ի տվյալներով, դեպքի վայր է մեկնել ԱԻՆ–ի երկու ուղղաթիռ և երկու մարտական հաշվարկ։–0–