Մեքենան հետախուզման մեջ էր, չկար ԱՊՊԱ, վարել է ոչ սթափ, կաշառք է առաջարկել. 46–ամյա վարորդը ձերբակալվել է

ԵՐԵՎԱՆ, 11 ապրիլի./Նովոստի–Արմենիա/. Ապրիլի 10-ին, ժամը 23.40-ի սահմաններում, Արագածոտնի մարզի պարեկները Երևան-Գյումրի ճանապարհին ծառայություն իրականացնելիս Ագարակ գյուղի սկզբնամասում կանգնեցրել են «Օպել» մակնիշի մի մեքենա, հաղորդում է ՀՀ ոստիկանությունը:
]
Վարորդը չի ունեցել տեխզննման, պարտադիր ապահովագրման փաստաթղթեր, իսկ մեքենան հետախուզման մեջ էր:
Ավելին, մայրաքաղաքի բնակիչ, 46-ամյա վարորդը ոչ սթափ վիճակում էր և չուներ մեքենան վարելու համապատասխան փաստաթղթեր: Էլ ավելին, վարչական արձանագրություն չկազմելու համար վարորդը, որպես կաշառք, պարեկային ծառայության աշխատակցին փորձել էր տալ հինգ հազար դրամ:

Նա ձերբակալվել և, ավտոմեքենայով հանդերձ, տեղափոխվել է ոստիկանության Աշտարակի բաժին:

Դեպքի առթիվ Արագածոտնի մարզային քննչական վարչությունում նախաձեռնվել է քրեական վարույթ:

46-ամյա տղամարդը տեղափոխվել է բաժնի ձերբակալվածների պահման վայր: Նախաքննությամբ հանգամանքները պարզվում են:–0–