ԵՐԵՎԱՆ, 27 ապրիլի./Նովոստի–Արմենիա/. Մասիս քաղաքում 63–ամյա քաղաքացին փորձել է ինքնահրկիզվել։
ՀՀ ՍԻՆ Փրկարար ծառայության հաղորդմամբ, ապրիլի 27-ին, ժամը 11։20-ին Արարատի մարզային ճգնաժամային կառավարման կենտրոն ահազանգ է ստացվել, որ Մասիս քաղաքի Երկաթուղայինների փողոցի 11 շենքի մոտակայքում քաղաքացին սպառնում է ինքնահրկիզվել։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
«Պարզվել է, որ քաղաքացի Ե․ Գ․-ն (ծնված 1958 թ․) փորձում է ինքնասպանություն գործել՝ ինքնահրկիզվելով», – նշվում է հաղորդագրության մեջ։
Փրկարարների և ոստիկանության աշխատակիցների համատեղ ուժերով կանխվել է քաղաքացու ինքնահրկիզման փորձ։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում