Մասիս քաղաքում այրվածքներ ստացած 12–ամյա աղջնակը մահացել է

ԵՐԵՎԱՆ, 1 ապրիլի./Նովոստի–Արմենիա/. Մասիս քաղաքում միկրոավտոբուսում բռնկված հրդեհից տուժած 12–ամյա Նորան մահացել է։

«Ցավով տեղեկացա, որ քիչ առաջ Ճառագայթային բժշկության ու այրվածքների գիտական կենտրոնում մահացել է օրերս Մասիս քաղաքում մեքենայի հրդեհիհետևանքով այրված 12-ամյա Նորան։ Դժբախտաբար, բժիշկներին չի հաջողվել փրկել երեխայի կյանքը։ Ցավակցություններս եմ հայտնում երեխայի ընտանիքի անդամներին և հարազատներին։ Պետք է հնարավորինս ուշադիր ու հոգատար լինենք՝ նմանօրինակ դեպքերը բացառելու համար», – նշել է մարզպետը։ 

Մարտի 23–ի երեկոյան Արարատի մարզի Մասիս քաղաքի ավտոկայանի շրջակայքում 2007 թվականի ծնված Նորա Մեջլումյանը տուժել էր միկրոավտոբուսում բռնկված հրդեհից։ Նա այնտեղ էր ապրում պարտքերի պատճառով առանց մշտական բնակության վայրի մնացած իր ընտանիքի հետ։ Հրդեհի հետևանքով այրվել էր աղջնակի մարմնի 40 տոկոսը:–0–