ԵՐԵՎԱՆ, 25 հոկտեմբերի./Նովոստի-Արմենիա/. Նախօրեին՝ հոկտեմբերի 25-ին, մահվան ելքով վրաերթ է տեղի ունեցել Երևանում։
Shamshyan.com-ի հաղորդմամբ, ժամը 19։55-ի սահմաններում Կոտայքի մարզի բնակիչ՝ 37-ամյա Մարատ Հ-ն իր վարած Audi մակնիշի ավտոմեքենայով Շիրակի փողոցում վրաերթի է ենթարկել փողոցը չթույլատրելի հատվածով անցնող 49-ամյա Սվետլանա Ռ-ին, ով տեղում մահացել է:
Վարորդը փախուստի չի դիմել, ահազանգել է շտապօգնություն և ԱԻՆ ՓԾ 911 ճգնաժամային կառավարման կենտրոն։
Նախաձեռնվել է քրեական վարույթ։
Կայքի տեղեկություններով, ճանապարհին թե վրաերթից առաջ, թե վրաերթից հետո մինչև ժամը 22։00-ը լուսավորությունը բացակայում էր։
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում