Լոռիում գրանցվել են զանգվածային թունավորման դեպքեր, հոսպիտալացվել է մոտ 50 մարդ

ԵՐԵՎԱՆ, 6 փետրվարի./Նովոստի–Արմենիա/. Լոռու մարզում զանգվածային թունավորման դեպքեր են գրանցվում, գրում է «Հայկական ժամանակը»։

Տուժածները սկսել են հոսպիտալացվել հունվարի 27–ին։ Վանաձորի ինֆեկցիոն հիվանդանոցում երեկ նրանց թիվը հասել է 50–ի, բայց արդեն կեսօրին դուրսգրվողներ են եղել։

Հիվանդանոց դիմած քաղաքացիները հայտնել են, որ թունավորվել են էկլեր տեսակի խմորեղենից։

«Ծանր վիճակում գտնվողներ չունենք, վիճակները կայուն է», – նշել է բուժհաստատության տնօրեն Նունե Էվինյանը։

ՀԺ–ի տեղեկություններով, Վանաձորի ինֆեկցիոն հիվանդանոցից բացի, սննդային թունավորման ախտանշաններով հիվանդներ են դիմել նաև Ստեփանավանի բժշկական կենտրոն։ Տուժածները էկլերը ձեռք են բերել մարզի տարբեր խանութներից։–0–