Կոտրել են «Գոլոս Արմենիի» թերթի կայքը

ԵՐԵՎԱՆ, 26 հունիսի./Նովոստի–Արմենիա/. «Գոլոր Արմենիի» թերթի (golosarmenii.am) խմբագրությունը հաղորդում է, որ հրատարակության կայքը կոտրվել է հունիսի 26–ի վաղ առավոտյան։

Չնայած մասնագետների բոլոր ջանքերին, մինչև հիմա չի հաջողվում վերականգնել կայքի նորմալ աշխատանքը, հայտնի չեն նաև վերականգնման մոտավոր ժամկետները։

«Հրատարակության կայքն ավելի վաղ ևս ենթարկվե է տարբեր գրոհների, սակայն աշխատանքը հաջողվում էր վերականգնել համեմատաբար կարճ ժամանակում։ Այն, ինչ տեղի է ունեցել այսօր առավոտյան, աննախադեպ է հարձակման ուժգնության առումով։ Դեռևս չունենք հստակ տվյալներ միջադեպի պատճառների մասին և դիմել ենք համապատասխան մարմիններին` այդ ամենը պարզելու նպատակով։ Միաժամանակ, մենք կարծում ենք, որ գրոհը կարող էին կազմակերպել ինչպես ներքին, այնպես էլ արտաքին ուժերը», – նշվում է «Նովոստի–Արմենիա» գործակալություն ստացված հաղորդագրության մեջ։

«Գոլոս Արմենիի» խմբագրությունը հայցում է ընթերցողների ներողամտությունն ու վստահեցնում, որ արվում է հնարավոր ամեն ինչ` կայքի աշխատանքը հնարավորինս շուտ վերականգնելու համար։–0–