Սարսափելի ավտովթար Կոտայքի մարզում. «ԳԱԶ»–ի վարորդը հիվանդանոց տեղափոխվելու ճանապարհին մահացել է

ԵՐԵՎԱՆ, 7 ապրիլի./Նովոստի–Արմենիա/. Այսօր` ապրիլի 7-ին, ողբերգական ավտովթար է տեղի ունեցել Կոտայքի մարզում։

Shamshyan.com–ի հաղորդմամբ, ժամը 10։00-ի սահմաններում Ֆանտան գյուղից դեպի Չարենցավան ավտոճանապարհի 1-ին կմ-ին բախվել են «ԳԱԶ» 2410 և «ԿԱՄԱԶ» մակնիշի ավտոմեքենաները։

Վթարի հետևանքով «ԳԱԶ» 2410-ի վարորդը Չարենցավանի բժշկական կենտրոն տեղափոխվելու ճանապարհին շտապօգնության ավտոմեքենայում մահացել է։


Ոստիկանությունն ու քննչական բաժինը պարզում են «ԿԱՄԱԶ»-ի վարորդի և «ԳԱԶ» 2410-ի մահացած վարորդի ինքնությունը։

Կայքի հաղորդմամբ, դեպքի վայրում հավաքվածները նշել են, որ 2 վարորդները հորեղբոր տղաներ են, մահացածի եղբայրն էլ երեկ է մահացել։

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։–0–