Խոշոր հրդեհ Խանջյան փողոցի բնակարաններից մեկում. կա զոհ

ԵՐԵՎԱՆ, 21 նոյեմբերի./Նովոստի-Արմենիա/. Այսօր առավոտյան հրդեհ է բռնկել Երևանի կենտրոնում, հաղորդում է ՀՀ ԱԻՆ Փրկարար ծառայությունը:

Նոյեմբերի 21-ին, ժամը 09։02-ին Ճգնաժամային կառավարման ազգային կենտրոն ահազանգ է ստացվել, որ Երևանի Սայաթ-Նովա պողոտայի թիվ 33 շենքի մոտակայքում գտնվող եռահարկ շինության տանիքից ծուխ է նկատվում։

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ, մեկ ավտոսանդուղք, Հրդեհաշիջման և փրկարարական աշխատանքների կազմակերպման բաժնի հերթապահ խումբը և գազածխապաշտպան ծառայության ավտոմեքենան։

Պարզվել է, որ հրդեհը բռնկվել է Խանջյան փողոցի թիվ 43 շենքի 3-րդ հարկի բնակարաններից մեկում։

Հրդեհը մեկուսացվել է ժամը 09։21-ին, մարվել՝ 09։38-ին։ Հրշեջ-փրկարարները բնակարանում հայտնաբերել են Լ․ Հ․-ի (ծնված 1936 թ․) դին և դուրս բերել:

Այրվել է անկողինը և ջերմահարվել մահճակալը։-0-