Խոշոր հրդեհ է բռնկվել Երևանի հյուրանոցներից մեկի մոտակայքում (ՖՈՏՈ, ՎԻԴԵՈ)
17:47
11 Օգոստոսի 2019
ԵՐԵՎԱՆ, 11 օգոստոսի./Նովոստի–Արմենիա/. Այսօր խոշոր հրդեհ է բռնկվել Երևանի հյուրանոցներից մեկի մոտակայքում։
Ինչպես հաղորդում է «Նովոստի–Արմենիա» գործակալության թղթակիցը դեպքի վայրից, այրվում են ծառեր և չոր խոտ։
Դեպքի վայրում են մի քանի
մարտական հաշվարկ, դեպքի վայրում են նաև ԱԻ նախարար Ֆելիքս Ցոլակյանն ու քաղաքապետարանի ներկայացուցիչները։
ԱԻՆ Փրկարար ծառայության հաղորդմամբ, օգոստոսի 11-ին, ժամը 13:43-ին «911» ծառայությանն ահազանգ է ստացվել, որ Երևան քաղաքի Գևորգ Հովսեփյան փողոցում՝ «Պանորամա Երևան Ռեզորթ» հյուրանոցային համալիրի մոտակայքում, այրվում է խոտածածկ տարածք:
Հրդեհի բարդության «1-Բիս» կանչով դեպքի վայր են մեկնել հրշեջ-փրկարարական ջոկատից չորս մարտական հաշվարկ, Ճգնաժամային կառավարման ազգային կենտրոնի օպերատիվ և արտակարգ իրավիճակների արձագանքման խմբերը:
Ժամը 14:55-ին հրդեհի բարդության «Թիվ 2» կանչով դեպքի վայր է մեկնել ԱԻՆ ՓԾ հրշեջ-փրկարարական ջոկատից ևս չորս մարտական հաշվարկ և Աղետների բժշկության կենտրոնի հերթապահ բժիշկը:
Հրդեհը մեկուսացվել է ժամը 16:33-ին: Դեպքի վայր է մեկնել քաղաքապետարանից մեկ ջրատար:
Դեպքի վայրում է գտնվում ԱԻ նախարար Ֆելիքս Ցոլակյանը և տալիս համապատասխան ցուցումներ: