Խոշոր հրդեհ Երևանում. տուն է այրվել Մյասնիկյան պողոտայի մոտակայքում (ՖՈՏՈ, ՎԻԴԵՈ)

ԵՐԵՎԱՆ, 7 նոյեմբերի./Նովոստի–Արմենիա/. Այսօր` նոյեմբերի 7-ին, ժամը 16:18-ին «911» ծառայություն ահազանգ է ստացվել, որ Երևանի Սարալանջի փողոցին հարակից լանջին այրվում է տուն, հաղորդում է ՀՀ ԱԻՆ Փրկարար ծառայությունը:

Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:

Պարզվել է, որ այրվում է մեկհարկանի տուն (56 քմ). տուժածներ չկան:

«Հրդեհի բարդության «1-ԲԻՍ» կանչով դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից ևս երկու մարտական հաշվարկ և Ճգնաժամային կառավարման ազգային կենտրոնի արտակարգ իրավիճակների արձագանքման խումբը», – նշվում է գերատեսչության հաղորդագրության մեջ:

Հրդեհը մեկուսացվել է ժամը 17:19-ին, մարվել՝ 17:26-ին:

Կտրվի լրացուցիչ տեղեկություն:–0–