Խոշոր ավտովթար Երևան–Սևան ճանապարհին. կա 5 վիրավոր, այդ թվում` երեխաներ (ՖՈՏՈ)

ԵՐԵՎԱՆ, 24 օգոստոսի./Նովոստի–Արմենիա/. Այսօր, օգոստոսի 24-ին, խոշոր ավտովթար է տեղի ուենցել Գեղարքունիքի մարզում։

Shamshyan.com–ի հաղորդմամբ, ժամը 10։30-ի սահմաններում Երևան-Սևան-Իջևան ավտոճանապարհի 62 կմ հատվածում, դեռևս անհայտ հանգամանքներում, բախվել են Nissan X-Trail և Opel Astra մակնիշի ավտոմեքենաները։

Վթարի հետևանքով 5 մարդ, այդ թվում՝ երեխաներ, տարբեր աստիճանի վնասվածքներով տեղափոխվել են «Սևան» բժշկական կենտրոն։

Բախման հետևանքով Nissan-ը գլխիվայր շրջվել է։

Փաստի առթիվ նյութեր են նախապատրաստվում։

Ոստիկանությունը պարզում է վարորդների և վիրավորների ինքնությունը։–0–