ԵՐԵՎԱՆ, 16 հուլիսի./Նովոստի–Արմենիա/. ՀՀ քաղավիացիայի կոմիտեն տեղեկացնում է, որ այսօր «Air Moldova» ավիաընկերության կողմից շահագործվող Airbus A320 տեսակի օդանավով, Մոսկվա-Քիշնև թռիչքը կատարելուց հետո չվերթի ժամանակ, ինքնաթիռի անձնակազմը հայտնաբերել է աջ շարժիչի տեխնիկական խափանում, որից հետո որոշում է կայացվել ըստ գործող կանոնադրության անջատել շարժիչը և վերադառնալ Մոսկվա:
«Ինքնաթիռը բարեհաջող վայրեջք է կատարել Մոսկվայի Դոմոդեդովո օդանավակայանում, օդանավում եղել են 164 ուղևոր և 3 երեխա, նաև 6 հոգի ինքնաթիռը սպասարկող անձնակազմից», – նշվում է կոմիտեի հաղորդագրության ժամանակ:
Հավելենք, որ այդ օդանավը գրանցված է ՀՀ օդանավերի ռեգիստրում և շահագործվում է մոլդովական «Air Moldova» ավիաընկերության կողմից:–0–