Խանջյան փողոցում հրավառություն կազմակերպած երիտասարդը բերման է ենթարկվել ոստիկանություն (ՎԻԴԵՈ)

ԵՐԵՎԱՆ, 27 փետրվարի./Նովոստի–Արմենիա/. Փետրվարի 27-ին կեսգիշերին ոստիկանություն զանգահարած քաղաքացին հայտնեց, որ Խանջյան փողոցում հրավառություն է, հաղորդում է ՀՀ ոստիկանության մամուլի ծառայությունը։

Նույն պահին փողոցում ծառայություն իրականացնող ոստիկանության պարեկապահակետային ծառայության գնդի աշխատակիցները նկատել են մի խումբ երիտասարդների, որոնցից մեկի ձեռքին եղել է հրագործական իր:

Քաղաքացին հրավառություն կատարելու կասկածանքով բերման ենթարկվեց ոստիկանության Կենտրոնական բաժին, որտեղ էլ խոստովանեց, որ ինքն է կատարել հրավառություն:

Նրա նկատմամբ կազմվեց վարչական իրավախախտման վերաբերյալ արձանագրություն:

«Հարգելի քաղաքացինե՛ր, ևս մեկ անգամ կոչ ենք անում հարգել այլ քաղաքացիների իրավունքներն ու պահպանել համակեցության կանոնները», – նշվում է գերատեսչության հաղորդագրության մեջ:–0–