Կապանում ՎԱԶ–ն ընկել է գետը, 62–ամյա վարորդը մահացել է (ՎԻԴԵՈ)

ԵՐԵՎԱՆ, 3 հուլիսի./Նովոստի–Արմենիա/. Լուսադեմին ողբերգական ավտովթար է տեղի է ունեցել Սյունիքի մարզում։

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

«Պարզվել է, որ Կապան-Կովսական ավտոճանապարհի 12-րդ կմ-ին «ՎԱԶ-2121» մակնիշի ավտոմեքենան (վարորդ՝ Հ.Ս., ծնված 1957 թ.) դուրս է եկել ճանապարհի երթևեկելի հատվածից և ընկել Ողջի գետը», – նշվում է գերատեսչության հաղորդագրության մեջ:

Փրկարարները հատուկ տեխնիկայի օգնությամբ գետից դուրս են բերել ավտոմեքենան, սրահում հայտանաբերել Հ.Ս.-ի դին և մոտեցրել շտապօգնության ավտոմեքենային:–0–