Կացնով հարվածել էր հյուրընկալած հարևանին, կադրեր Գեղարքունիքում գրանցված դաժան սպանության վայրից (ՎԻԴԵՈ)

ԵՐԵՎԱՆ, 21 ապրիլի./Նովոստի–Արմենիա/. Ապրիլի 21-ին, ժամը 13.50-ի սահմաններում, ոստիկանության Ճամբարակի բաժնում տեղեկություն է ստացվել, որ Վահան գյուղի 2-րդ փողոցի տներից մեկում տղամարդու դի կա, հաղորդում է ՀՀ ոստիկանության մամուլի ծառայությունը։

Դեպքի վայր մեկնած օպերատիվ խումբը պարզեց, որ 66-ամյա տղամարդուն սպանել են կացնով։

Տղամարդու դին հարևանի տանն էր, իսկ տանտերը չկար։

Ճամբարակի ոստիկանները, համագործակցելով Սևանի գործընկերների հետ, դեպքից ժամեր անց կասկածվողին հայտնաբերեցին Լճաշեն գյուղում և բերման ենթարկեցին բաժին։

«Նրա խուզարկությամբ նռնակներ հայտնաբերվեցին։ Տղամարդը ներկայացվել է դեպքի նախաքննությունը վարող մարմնին ու ձերբակալվել։ Հանցագործության գործիք կացինն առգրավվել է։ Նշանակվել են փորձաքննություններ։ Հարուցված քրեական գործի նախաքննությունը շարունակվում է», – նշվում է գերատեսչության հաղորդագրության մեջ։–0–