Ճայթուկը պայթել է հենց ձեռքերի մեջ, մատներն անդամահատվել են. Ամանորի գիշերը հրավառությունից տուժած 4 երեխա է հոսպիտալացվել

ԵՐԵՎԱՆ, 4 հունվարի./Նովոստի-Արմենիա/. Ամանորի գիշերը «Սուրբ Աստվածամայր» ԲԿ են ընդունվել հրավառության տարբեր տեսակներից տուժած չորս երեխաներ, տարբեր աստիճանի վնասվածքներով: Այս մասին նշվում է ԲԿ-ի Facebook-յան էջում:

Երեխաներից երկուսի մոտ եղել են անդամահատված մատներ, ճայթուկը պայթել է հենց ձեռքերի մեջ, մյուս երկուսի մոտ համեմատաբար թեթև վնասվածքներ են եղել:

«Սուրբ Աստվածամայր» ԲԿ-ի պլաստիկ վիրաբույժների կողմից երեխաները վիրահատվել են և դուրս գրվել հիվանդանոցից:-0-