Հրապարակվել է տեսանյութը, որտեղ 30-ամյա կինն ուղիղ եթերի ժամանակ հարվածում է երեխային (ՎԻԴԵՈ)

ԵՐԵՎԱՆ, 13 փետրվարի./Նովոստի-Արմենիա/. Հրապարակվել է տեսանյութը, որտեղ 30-ամյա կինն ուղիղ եթերի ժամանակ հարվածում է երեխային:
Ավելի վաղ հայտնել էինք, փետրվարի 7-ին սոցիալական ցանցերում տեսանյութ էր տարածվել՝ ինչպես է 30-ամյա մի կին ուղիղ եթերի ժամանակ խփում կադրում չերևացող մանկահասակ երեխային, որը լացում է:

Ոստիկանության տարբեր ստորաբաժանումների ծառայողների համատեղ ձեռնարկած միջոցառումների արդյունքում երեխայի նկատմամբ հնարավոր բռնություն կատարած անձը հայտնաբերվել և ներկայացվել է ոստիկանության Մաշտոցի բաժին:

Նախաձեռնվել է քրեական վարույթ:

Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:–0–