Հայտնաբերվել է Արցախում օրերս անհետացած ռուս կնոջ դին (ՖՈՏՈ)

ԵՐԵՎԱՆ, 14 մայիսի./Նովոստի-Արմենիա/. Արցախում հայտնաբերվել է օրեր առաջ անհետացած Օլգա Սանիկովայի դին, ով անհետացել էր մայիսի 9-ին:

Ինչպես հաղորդում է Արցախի ՆԳՆ արտակարգ իրավիճակների պետական ծառայությունը, փրկարարները Կարկառ գետից դուրս են բերել Օլգա Սանիկովայի դին։

ԱՀ ՆԳ նախարարության ԱԻ պետական ծառայության, ոստիկանության և ԱՀ ԱԱԾ ծառայողների համատեղ ձեռնարկված որոնողական աշխատանքների արդյունքում, այսօր` ժամը 12։30-ին Ստեփանակերտ քաղաքի Կարկառ գետում հայտնաբերվել է Օլգա Սաննիկովայի դին։

«ԱԻ պետական ծառայության արագ արձագանքման հատուկ ստորաբաժանման օպերատիվ խումբը անմիջապես մեկնել է նշված վայր և ձեռնարկել անհրաժեշտ միջոցառումներ ՝ Սանիկովայի դին գետից դուրս բերելու և տեղափոխելու նպատակով։ Աշխատանքները ավարտելուց հետո փրկարարները վերադարձել են մշտական տեղակայման վայր», - նշվում է գերատեսչությա հաղորդագրության մեջ։

Նշենք, որ Օ.Սանիկովան Կարկառ գետում անհետացելէր մայիսի 9-ին։ Հերթապահ մասում հաղորդումը ստացվել է մայիսի 10-ին, որից հետո սկսվել էին որոնողափրկարարական աշխատանքները։-0-