ԵՐԵՎԱՆ, 16 փետրվարի./Նովոստի-Արմենիա/. Այսօր Հայաստանում 3,1 մագնիտուդով երկրաշարժ է գրանցվել Վրաստանի հետ սահմանի մոտակայքում:
Այս մասին նշվում է Եվրոպական միջերկրածովային սեյսմոլոգիական կենտրոնի կայքում:
Ստորգետնյա ցնցումը գրանցվել է տեղական ժամանակով ժամը 11:37-ին (Գրինվիչի ժամանակով ժամը 07:37) Տաշիրից 28կմ դեպի հարավ: Օջախը գտնվել է 2կմ խորության վրա:
Հիշեցնենք, որ փետրվարի 13-ին, տեղական ժամանկով ժամը 22:25 -ին (Գրինվիչի ժամանակով ժամը` 18:25-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցի կողմից գրանցվել է հյուսիսային լայնության 41.19⁰ և արևելյան երկայնության 43.97⁰ աշխարհագրական կոորդինատներով Վրաստան-Հայաստան` Բավրա քաղաքից 16 կմ հյուսիս-արևելք, օջախի 10 կմ խորությամբ, 5.2 մագնիտուդով երկրաշարժ: Էպիկենտրոնային գոտում ստորգետնյա ցնցման ուժգնությունը կազմել է 6-7 բալ: Երկրաշարժը զգացվել է Տավուշի, Կոտայքի, Արմավիրի, Շիրակի, Լոռու, Արագածոտնի մարզերում 4-5 բալ ուժգնությամբ, Երևանում զգացվել է 3-4 բալ ուժգնությամբ: Այդ երկրաշարժին հետևեցին մի քանի ավելի թույլ երկրաշարժեր:-0-
