ԵՐԵՎԱՆ, 20 փետրվարի./Նովոստի–Արմենիա/. Այսօր գիշերն ավտովթար է գրանցվել Հանրապետության հրապարակում, հաղորդում է ՀՀ ԱԻՆ Փրկարար ծառայությունը։
Փետրվարի 20-ին, ժամը 00:08-ին Ճգնաժամային կառավարման ազգային կենտրոն տեղեկություն է հաղորդվել, որ Հանրապետության հրապարակում ավտոմեքենայից ծուխ է նկատվում:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:
Загружается новость ... "Лево"
Պարզվել է, որ բախվել են «Toyota Camry» (վարորդ` Հակոբ Հ.) և «Mercedes-Benz C-class» մակնիշների ավտոմեքենաները: Հրդեհի նշաններ չեն հայտնաբերվել:
«Մինչ փրկարարների՝ կանչի վայր հասնելն Արման Հ.-ն (ծնված 1994 թ.), Բագրատ Մ.-ն (ծնվ. 1996թ.), Աշոտ Վ.-ն (ծնված 1994 թ.), Աշոտ Բ.-ն (ծնված 1994 թ.) և Գևորգ Մ.-ն (ծնված 1995 թ.) հոսպիտալացվել են «Հերացի» թիվ 1 հիվանդանոցային համալիր: Բժիշկները տուժածների առողջական վիճակը գնահատել են բավարար», – նշվում է հաղորդագրության մեջ:
Փրկարարները հոսանքազրկել են ավտոմեքենաները և փակել գազի բալոնների փականները:–0–