«Հաղթանակ» զբոսայգում հայտնաբերվել է մոտ երկու ամիս առաջ որպես անհետ կորած որոնվող 29–ամյա տղամարդու քայքայված դին (ՎԻԴԵՈ)
11:20
22 Հուլիսի 2022
ԵՐԵՎԱՆ, 22 հուլիսի./Նովոստի–Արմենիա/. Նախօրեին Երևանում հայտնաբերվել է որպես անհետ կորած որոնվող տղամարդու դին։
Ինչպես հայտնում են ոստիկանությունից, հուլիսի 21-ին, ժամը 20.05-ին, ոստիկանության օպերատիվ կառավարման կենտրոն հաղորդում է ստացվել, որ Ազատության պողոտայի չգործող ռեստորանում հայտնաբերվել է դիակ:
Ոստիկանության Քանաքեռ-Զեյթունի բաժնի օպերատիվ խումբը պարզել է, որ հայտնաբերվածը մայիսի 21-ից, որպես անհետ կորած որոնվող, 29-ամյա Էդուարդ Շխյանի դիակն է: Նշանակվել է ԴԲՓ:
Ինչպես հայտնում է shamshyan.com–ը, տղամարդու դին հայտնաբերվել է «Հաղթանակ» զբոսայգում չշահագործվող ռեստորանային համալիրում։ Այն եղել է ամբողջովին քայքայված վիճակում։
Հարուցվել է քրեական գործ սպանության հատկանիշներով։–0–