ԵՐԵՎԱՆ, 31 մայիսի./Նովոստի–Արմենիա/. Նախօրեին Գյումրու «Մուշ» թաղամասում թափառող վեց-յոթ շներ հարձակվել են երկուս ու կես տարեկան երեխայի վրա՝ նրան բազմաթիվ վնասվածքներ պատճառելով, գրում է
aravot.am–ը։
Загружается новость ... "Лево"
Երեխային բազմակի կծած վերքերով տեղափոխել են «Գյումրու Մոր ու մանկան ավստրիական հիվանդանոց», որտեղից էլ՝ մայրաքաղաք։
Այս տեղեկությունը aravot.am-ին հաստատել է «Գյումրու Մոր ու մանկան ավստրիական հիվանդանոց»-ի տնօրեն Ժորժիկ Սերոբյանը։
Նա ասել է, որ իրենք առաջին անհրաժեշտ բուժօգնությունն են ցուցաբերել, բայց քանի որ երեխան պարանոցի շրջանում կծած վերքեր ուներ ու նեղ մասնագիտական օգնության կարիք կար, նրան տեղափոխել են մայրաքաղաք՝ «Սուրբ Աստվածամայր» բժշկական կենտրոն։–0–