Գողության փորձը` մահվան պատճառ. Ծաղկաձորում դժբախտ պատահար է գրանցվել

ԵՐԵՎԱՆ, 22 փետրվարի./Նովոստի–Արմենիա/. Հունվարի 26–ին գողության փորձ է գրանցվել Ծաղկաձորում։

Այդ օրը հիվանդանոցից ոստիկանության Հրազդանի բաժնում հաղորդում է ստացվել, որ կրծքավանդակի և որովայնի բութ վնասվածքով ու կողերի կոտրվածքով բուժօգնության է տեղափոխվել 44-ամյա մի տղամարդ։


Հիվանդանոց մեկնած ոստիկաններին տղամարդը հայտնել է, որ վնասվածքները ստացել է Ծաղկաձոր քաղաքում ընկնելու հետևանքով։ Ձեռնարկված օպերատիվ-հետախուզական միջոցառումների արդյունքում Հրազդանի ոստիկանները պարզել են, որ նա հունվարի 26-ին գողություն կատարելու նպատակով գնացել է Ծաղկաձոր քաղաքի Պահլավունյաց փողոցում գտնվող կոմունալ տնտեսության չգործող շինություն և փորձել է գողանալ շինության 2-րդ և 3-րդ հարկերի պատուհանները, սակայն շինության 3-րդ հարկից ընկել է և ստացել մարմնական վնասվածքներ:

44-ամյա տղամարդը գողություն կատարելու նպատակով գնացել է Ծաղկաձոր քաղաքի Պահլավունյաց փողոցի կոմունալ տնտեսության չգործող շինություն և փորձել է գողանալ շինության 2-րդ և 3-րդ հարկերի պատուհանները, սակայն շինության 3-րդ հարկից ընկել է և ստացել մարմնական վնասվածքներ:

«Փետրվարի 21-ին, ժամը 17.35-ին, հիվանդանոցից ոստիկանության Հրազդանի բաժնում հաղորդում է ստացվել, որ մարմնական վնասվածքներ ստացած և բուժօգնության տեղափոխված 44-ամյա տղամարդը մահացել է: Կատարվում է նախաքննություն», – նշվում է գերատեսչության հաղորդագրության մեջ։–0–