Գիշերը երկհարկանի տանը հրդեհ է բռնկվել. 49–ամյա քաղաքացու դի է հայտնաբերվել

ԵՐԵՎԱՆ, 27 հուլիսի./Նովոստի–Արմենիա/. Հուլիսի 27-ին, ժամը 04։43-ին Ճգնաժամային կառավարման ազգային կենտրոն տեղեկություն է ստացվել, որ Արագածոտնի Բյուրական գյուղում այրվում է երկհարկանի տուն, կա տուժած, հաղորդում է Փրկարար ծառայությունը։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Պարզվել է, որ հրդեհը բռնկվել է գյուղի 18-րդ փողոցի երկհարկանի տան երկրորդ հարկում և տանիքում. երկրորդ հարկում հայտնաբերվել է Ե․ Պ․-ի (ծնված 1974 թ.) դին։

Հրդեհը մեկուսացվել է ժամը 05։28-ին, մարվել՝ 05։58-ին։ Այրվել են հյուրասենյակը, ննջասենյակը (մոտ 40 քմ)՝ գույքով և տանիքի փայտե կառուցատարրերից մոտ 4 գմ հատված:–0–