ԵՐԵՎԱՆ, 17 մարտի./Նովոստի–Արմենիա/. Մարտի 17-ին, ժամը 10:30-ի սահմաններում, հանրապետության հարավային ուղղությամբ տեղակայված ՀՀ ՊՆ N զորամասի տարածքում հայտնաբերվել է ժամկետային զինծառայող, շարքային Էդուարդ Ռազմիկի Ռուստամյանի ( ծնվ. 2003 թ.) դին` հրազենային վիրավորումով, հաղորդում է ՀՀ ՊՆ–ն:
«Ընթանում է քննություն` դեպքի հանգամանքները լիարժեք պարզելու նպատակով», – նշվում է գերատեսչության հաղորդագրության մեջ:
Նշենք, որ ՊՆ–ն այսօր ավելի վաղ
հայտնել էր, որ մարտի 16-ին, ժամը 21:10-ի սահմաններում, հանրապետության հարավ-արևելյան ուղղությամբ տեղակայված մարտական դիրքերից մեկում հայտնաբերվել է ՀՀ ՊՆ N զորամասի ժամկետային զինծառայող, շարքային Ալբերտ Լևոնի Սիրոյանի (ծնվ. 2002թ) դին` ծնոտի շրջանում հրազենային վիրավորմամբ։–0–