Երկու երևանցիներ մտել են մանկապարտեզ ու գողացել ջեռուցման կաթսաներ և մարտկոցներ (ՎԻԴԵՈ)

ԵՐԵՎԱՆ, 14 փետրվարի./Նովոստի–Արմենիա/. Փետրվարի 8-ին ոստիկանության Վաղարշապատի բաժնում հաղորդում է ստացվել, որ անհայտ անձինք, տեխնիկական միջոցների կիրառմամբ, մտել են Արմավիրի մարզի Արևշատ գյուղի մանկապարտեզ և այնտեղից հափշտակել ջեռուցման 2 կաթսա և մարտկոցներ, հաղորդում է ՀՀ ոստիկանությունը:

Վաղարշապատի բաժնի քրեական հետախույզները, իրացնելով օպերատիվ տվյալները, արագ բացահայտել են հանցագործությունը:
Ըստ ստացված տվյալների՝ գողությունն արել էին 29 և 39 տարեկան երկու տղամարդ՝ երկուսն էլ մայրաքաղաքի բնակիչ:

Հաղորդումից մեկ օր անց Էջմիածնի Սուրբ Գրիգոր Լուսավորչի փողոցում ոստիկանները հայտնաբերել, ձերբակալել և Վաղարշապատի բաժին են տեղափոխել 29-ամյա երիտասարդին։ Նա ներկայացվել է տարածքային քննչական մարմին։ Գողոնը մասամբ հայտնաբերվել է։

Դեպքի առթիվ նախաձեռնվել է քրեական վարույթ:–0–