ԵՐԵՎԱՆ, 19 դեկտեմբերի./Նովոստի–Արմենիա/. Այսօր՝ դեկտեմբերի 19-ին, առանձնակի դաժանությամբ սպանություն է տեղի ունեցել Կոտայքի մարզում:
Ժամը 11:00-ի սահմաններում ոստիկանության Հրազդանի բաժին ահազանգ է ստացվել, որ Հրազդան քաղաքի Միկրոշրջան թաղամասի 91 շենքի 10-րդ բնակարանում տղամարդու դի կա:
Ոստիկաններն ու քննիչները նշված բնակարանի հյուրասենյակում հայտնաբերել են 51–ամյա Ռոբերտ Հախվերդյանի դին, իսկ նշված սենյակում խառնաշփոթ վիճակ էր տիրում:
Загружается новость ... "Лево"
Դատաբժշկի նախնական եզրակացության համաձայն՝ գլխի և մարմնի տարբեր մասերում կան հարվածի հետքեր: Փաստի առթիվ հարուցվել է քրեական գործ ՀՀ ՔՕ 104 հոդվածի 1-ին մասի հատկանիշներով (սպանություն):
Դեպքի վայրում հավաքվածների խոսքերով, սպանվածը մենակ էր մնում, նախկինում եղել է դատապարտված ու սեր ուներ խմիչքի նկատմամբ, վերջին տարիներին հաճախակի էր հայտնվում ոչ սթափ վիճակում:–0–
