ԵՐԵՎԱՆ, 21 հունիսի./Նովոստի–Արմենիա/. Այսօր երեկոյան դաժան ու սահմռկեցուցիչ դեպք է տեղի ունեցել Լոռու մարզում:
Загружается новость ... "Лево"
Shamshyan.com–ի հաղորդմամբ, ժամը 20:00-ի սահմաններում ոստիկանության Սպիտակի բաժին ահազանգ է ստացվել, որ Հարթագյուղ գյուղի տներից մեկում երեխայի դի կա:
Ոստիկաններն ու քննիչները նշված տանը հայտնաբերել են 7-ամյա Կ.Կարապետյանի դին, իսկ նրա կողքին նստած է եղել մայրը՝ 30-ամյա Աննա Կարապետյանը, ով ձեռքին պահել է իր մահացած մոր մեծադիր նկարը:
Կայքի հաղորդմամբ, պարզվել է, որ մայրը իր 7-ամյա աղջկան մահճակալի մեջ խեղդամահ է արել: Ա. Կարապետյանի նախկին ամուսինը մահացած է, և նա 2-րդ անգամ է ամուսնացել, 2-րդ ամուսինը խնամքին ունի 2 երեխա և նրանք բնակվել են Երևանում: Այսօր Ա. Կարապետյանը 7-ամյա աղջնակի հետ եկել է Հարթագյուղ և որոշ ժամանակ անց երեխային հայտնաբերել են խեղդամահ եղած: Փաստի առթիվ հարուցվել է քրեական գործ:–0–
