Կալիֆոռնիայում գտնվող Amazon–ի պահեստում ուժեղ հրդեհ է բռնկվել (ՎԻԴԵՈ)

ԵՐԵՎԱՆ, 7 հունիսի./Նովոստի–Արմենիա/. Խոշոր հրդեհ է բռնկվել ԱՄՆ Կալիֆոռնիա նահանգի Ռեդլենդս քաղաքում գտնվող պահեստում, որն օգտագործվում է որպես Amazon ընկերության բաշխիչ կենտրոն, գրում է «Իզվեստիան»` հղում անելով CNN հեռուստաալիքին։

Հրդեհը բռնկվել է ուրբաթ տեղական ժամանակով ժամը 5։30–ին։

CNN–ի հաղորդմամբ, հրդեհի հետևանքով փլուզվել են շենքի սեկցիաներն ու պահեստի տանիքը։ Պահեստի վրա կարելի է տեսնել ծխի խիտ քուլաներ։ 

Ռեդլենդսի պաշտոնական ներկայացուցիչ Քարլ Բեյքերը նշել է, որ հրդեհը մարելու աշխատանքներին մասնակցել են ոչ միայն քաղաքի, այլև Սան Բերնարդինո օկրուգի ու մոտակա շրջանների հրշեջները։ Այս պահին հրդեհի չեզոքացման աշխատանքները շարունակվում են։

Բռնկման պահին պահեստում եղել է ընկերության շուրջ 100 աշխատակից։ Նրանք բոլորը կարողացել են ինքնուրույն դուրս գալ։ Միջադեպի հետևանքով տուժածների մասին տեղեկատվություն չի ստացվել։ Հրդեհի պատճառները պարզվում են։–0–