Արտառոց դեպք. իրանական կողմից սահմանի այս կողմը թմրանյութեր են նետել (ՎԻԴԵՈ)
10:48
02 Մարտի 2022
ԵՐԵՎԱՆ, 2 մարտի./Նովոստի–Արմենիա/. Մեղրիի քրեական հետախույզները, իրացնելով հանցագործության վերաբերյալ ստացած օպերատիվ տվյալը, փետրվարի 25-ին Մեղրի-Ալվանք ճանապարհին կանգնեցրել են «Պաջերո» մակնիշի մի մեքենա։
Նրանք հիմնավոր կասկած ունեին, որ Ագարակ քաղաքի բնակիչ, 43-ամյա վարորդը թմրանյութ ունի: Զննությամբ հայտնաբերվեցին փաթեթներ՝ լցված 3720 տուփ իրանական ծխախոտով, նաև մեկ թափանցիկ տոպրակ` մարիխուանայի նմանվող մոտ 13 գրամ զանգվածով:
«Մեքենան տեղափոխվել է բաժնի պահպանվող հատուկ տարածք, իսկ բերման ենթարկված վարորդը խոստովանել է, որ ծխախոտն ու թմրանյութն իրենն են, այն իրանական կողմից սահմանի այս կողմն էր նետել իր ծանոթը», – նշվում է գերատեսչության հաղորդագրության մեջ:
Նշանակվել է փորձաքննություն, հանգամանքները պարզվում են:–0–