ԵՐԵՎԱՆ, 28 փետրվարի./Նովոստի–Արմենիա/. Քիչ առաջ Զովունիի ռեստորաններից մեկում կրակոցներ են հնչել հետախուզման մեջ գտնվող անձին բերման ենթարկելու ժամանակ։
Հայկական ԶԼՄ–ների հաղորդմամբ, անհայտ անձը պատանդներ է վերցրել ռեստորաններից մեկում։
Ինչպես «Նովոստի–Արմենիա» գործակալությանը տեղեկացրեցին ոստիկանության մամուլի ծառայությունից, տղամարդը դիմադրել է և կրակել ոստիկանների ուղղությամբ, ովքեր փորձել են նրան բերման ենթարկել։
«Այս պահին հետախուզման մեջ գտնվողը վնասազերծվել է և բերման ենթարկվել», – նշել են գերատեսչությունից։
Հետախուզվող տղամարդը մեղադրվում է մահափորձի մեջ։
Մամուլի ծառայությունից նաև տեղեկացրեցին, որ օպերացիայի ընթացքում ոչ ոք չի տուժել, պատանդների մասին տեղեկատվությունը չի համապատասխանում իրականությանը։–0–