ԵՐԵՎԱՆ, 7 սեպտեմբերի./Նովոստի–Արմենիա/. Քիչ առաջ արտակարգ դեպք է տեղի ունեցել Երևանում:
Shamshyan.com-ի հաղորդմամբ, ժամը 18:10-ի սահմաններում ոստիկանության Երևան քաղաքի վարչության օպերատիվ կառավարման կենտրոն ահազանգ է ստացվել, որ «Աստղիկ» բժշկական կենտրոնի գլխավոր մուտքի բակում հրազենային վնասվածքով տղամարդու դի կա:
Ոստիկանությունն ու քննչական բաժինը պարզում են մահացածի ինքնությունը:
Загружается новость ... "Лево"
Կայքի հաղորդմամբ, դեպքի վայրում հավաքված մի քանի քաղաքացիներ, ովքեր հրաժարվել են տեսախցիկի առջև խոսել, ասում էին, որ մեկ այլ վիրավոր էլ գտնվում է «Աստղիկ» բժշկական կենտրոնում:
Աղբյուրի տեղեկացմամբ, ոստիկանները պարզել են վիրավորի ինքնությունը. նա Երևան քաղաքի Բաղրամյան պողոտայի բնակիչ, 33-ամյա Հենրիխ Հովհաննիսյանն է։
Ոստիկանության մի քանի ստորաբաժանումների ծառայողներ որոնողական աշխատանքներ են կատարում՝ պարզելու համար, թե որտեղ են տեղի ունեցել կրակոցները:
Այս պահին նրանք որոնողական աշխատանքներ են իրականացնում ժողովրդին հայտնի 3-րդ գյուղի և 4-րգ գյուղի տարածքում, այդ թվում՝ գերեզմաններում:–0–
