Արարատում մի ողջ ընտանիք հոսպիտալացվել է`թունավորման ախտանիշներով, այդ թվում` 5 մանկահասակ երեխա

ԵՐԵՎԱՆ, 10 նոյեմբերի./Նովոստի–Արմենիա/. Երեկ՝ նոյեմբերի 9-ին, Արարատի մարզում մի ողջ ընտանիք թունավորվել է շմոլ գազից։

Ոստիկաններն ու քննիչները պարզել են, որ հիվանդանոց տեղափոխվածներն Արարատի մարզի Դարբնիկ գյուղի բնակիչներ ե՝ 3-ամյա Է. Մ-ն, 3-ամյա Ս. Մ-ն, 10-ամյա Ս. Մ-ն, 8-ամյա Գ. Ա-ն, 5-ամյա Ն. Ա-ն և 51-ամյա Մ. Ա-ն։

Իրավապահները պարզել են, որ նշված անձինք տեղափոխվել են Արարատի մարզի Դարբնիկ գյուղից, որտեղ թունավորվել են շմոլ գազից։

Կայքի հաղորդմամբ, «Մուրացան» համալսարանական հիվանդանոցի բուժանձնակազմի շնորհիվ տեղափոխվածների կյանքին և առողջությանը վտանգ չի սպառնում։–0–